ಮೂಡಣ ದಿಕ್ಕಿಗೆ ರಮ್ಯ ರಮಣೀಯ ಪರ್ವತ ಶ್ರೇಣಿ.. ಪಡುವಣದಲ್ಲಿ ಭಾರೀ ಕಡಲು ಮಧ್ಯದಲ್ಲಿ ವಿಶಿಷ್ಟ ಪ್ರದೇಶಗಳು, ಕಲೆ, ಸಂಸ್ಕ್ರತಿ, ಆಚಾರ ವಿಚಾರ, ಭಾಷೆ, ಆಹಾರ, ದೈವಿಕ ಕ್ಷೇತ್ರಗಳು, ಧರ್ಮಗಳು, ನದಿಗಳು, ಹಚ್ಚಹಸಿರನ್ನೊಳಗೊಂಡ ಪ್ರದೇಶ ನಮ್ಮ ಕುಂದಾಪುರ. ಈ ಕುಂದಾಪುರದ ಮಕ್ಕಳಾದ ನಮ್ಮದೇ ಆದ ಒಂದು ಸಮುದಾಯ ಈ "ಕುಂದಾಪುರ ಹುಡುಗಾ".
ಕ್ರಿಸ್ತ ಶಕ 2007 ರ ಮಾರ್ಚ್ 2 ರಂದು ಕೆಲವೇ ಕೆಲವು ಕುಂದಾಪುರದವರೊಂದಿಗೆ ಪ್ರಾರಂಭಗೊಂಡ ಒಂದು ಚಿಕ್ಕ ಗ್ರೂಪ್ ಓರ್ಕುಟ್ ಸಾಮಾಜಿಕ ಅಂತರ್ಜಾಲ ತಾಣದಲ್ಲಿ ಅಂಬೆಗಾಲಿಕ್ಕುತ್ತ ಸಾಗುತ್ತಾ ಬಂದು 2009 ರಲ್ಲಿ ಜನಬೆಂಬಲವನ್ನು ಪಡೆದುಕೊಂಡಿತು ... ಈ ಹೊತ್ತಿಗಾಗಲೆ ಕುಂದಾಪುರ ಹುಡುಗಾ ಎಲ್ಲರ ಮನೆ ಮಾತಾಗಿ ಹೊದದ್ದಂತು ನಿಜ ... ಇತ್ತೀಚೆಗೆ ಫೇಸ್ ಬುಕ್ ನಾಗಾಲೋಟದ ಕುದುರೆಯೊಂದಿಗೆ ಸರಿ ಸಮನಾಗಿ ಓಡಲಾಗದ ಓರ್ಕುಟ್ ಸ್ಥಗಿತಗೊಂಡಿದ್ದಂತು ತಿಳಿದಿರುವ ವಿಚಾರ, ಏನೇ ಇರಲಿ ನಾವು ನಮ್ಮ ಕುಂದಾಪುರ ಹುಡುಗಾ ದ ಪಯಣವನ್ನ ಫೆಸ್ ಬುಕ್ ನೆಟ್ ವರ್ಕ್ ಗೆ ಬಹಳ ಮುಂಚೆಯೇ ವರ್ಗಾಯಿಸಿಕೊಂಡಿದ್ದೆವು.
ಈ ತಾಣದಲ್ಲಿ ನಾವು ಪ್ರಕಟಿಸಿದ ನಮ್ಮದೇ ಆದ ಆಹಾರ, ಕಲೆ, ಸಂಸ್ಕ್ರತಿ, ನಮ್ಮೂರು, ಹಾಸ್ಯಗಳು ಇತ್ಯಾದಿಗಳಿಗೆ ಸಂಬಂಧಿಸಿದ ನಿಮ್ಮದೇ ಫೋಟೋಗಳು, ವಿಡಿಯೋಗಳಿಗೆ ಅಪಾರ ಮೆಚ್ಚುಗೆಗಳನ್ನು ನೀಡಿ ನಿಮ್ಮ ಲೈಕ್ಸ್ ಮೂಲಕ ನಮ್ಮ & ನಿಮ್ಮ ಕುಂದಾಪುರ ಹುಡುಗಾ ಸಮುದಾಯವನ್ನು ಬೆಂಬಲಿಸಿದ ನಿಮ್ಮೆಲ್ಲರಿಗೂ ನಿಮ್ಮವರೇ ಆದ ನಮ್ಮ ಅನಂತಾಂತ ಧನ್ಯವಾದಗಳು.
ನೀವೇ ನೋಡುತ್ತಿರುವಂತೆ ಲೈಕ್ಸ್ ಈಗಾಗಲೇ 2000 ದಾಟಿರುವುದು ಸಂತಸದ & ಸಂಭ್ರಮದ ವಿಷಯ. ಹಾಗೆಯೇ ಮುಂದೂ ಕೂಡ ನೀವು ಕಳುಹಿಸುವ ಫೋಟೋಗಳು, ವಿಡಿಯೋಗಳು ನಿಮ್ಮ ಸಲಹೆ ಸೂಚನೆಗಳೊಂದಿಗೆ ನಮ್ಮ & ನಿಮ್ಮ ಈ ಸಮುದಾಯವನ್ನು ಕ್ರೀಯಾಶೀಲವಾಗಿ ಮುನ್ನಡೆಸುವ ಆಶಯ ನಮ್ಮದು. ನಮ್ಮ ಊರು, ನಮ್ಮ ಭಾಷೆ, ಆಚಾರ ವಿಚಾರ, ಆಹಾರ ಇತ್ಯಾದಿಗಳನ್ನು ಇನ್ನೂ ಹೆಚ್ಚು ಹೆಚ್ಚು ನಮ್ಮ ಕುಂದಾಪುರ ಹುಡುಗಾ ಸಮುದಾಯದಲ್ಲಿ ಪ್ರಕಟಿಸೋಣ, ಎಲ್ಲೆಡೆ, ಎಲ್ಲರಿಗೂ ಹಬ್ಬಿಸೋಣ ...